1ܐܝܼܢܵܐ ܒܵܗَܣ ܚܸܠܡܲܬ ܕܠܩܲܕܝܼܫܹ̈ܐ؛ ܙܵܘܕܵܐ ܡ̣ܢ ܕܘܵܓ̰ܸܒ ܥܵܒܼܕܸܢ ܐܸܢ ܟܸܬܒܼܸܢ ܐܸܠܵܘܟܼܘܿܢ. 2ܣܵܒܵܒ ܒܝܼܕܲܥܝܵܐ ܝܘܸܢ ܗܕܵܪܬܹܗ ܕܚܝܼܵܠܵܘܟܼܘܿܢ؛ ܕܒܝܹܗ ܥܒܼܸܕܠܝܼ ܫܘܼܒܼܗܵܪܵܐ ܒܵܗَܣܵܘܟܼܘܿܢ ܠܡܵܩܹܕܘܿܢܵܝܹ̈ܐ؛ ܕܐܵܟܼܵܐܝܼܵܐ ܗܵܙܸܪ ܝܼܠܵܗ̇ ܡ̣ܢ ܫܹܢَܬܵܐ ܥܒܼܝܼܪܬܵܐ؛ ܘܩܲܝܪܲܬ ܕܝܼܵܘܟܼܘܿܢ ܠܪܵܒܵܐ ܚܘܼܒܸܛܠܵܐ. 3ܐܝܼܢܵܐ ܫܘܼܕܸܪܝܼ ܠܐܵܚܘܿܢܘܵܬܹ̈ܐ؛ ܕܫܘܼܒܼܗܵܪܲܢ ܕܒܝܼܵܘܟܼܘܿܢ ܠܵܐ ܗܵܘܹܐ ܒܵܛܝܼܠܵܐ ܒܐܵܗܵܐ ܫܘܼܠܵܐ؛ ܕܕܵܐܟܼܝܼ ܕܐَܡܸܪܝܼ؛ ܗܵܘܝܼܬܘܿܢ ܗܘܼܕܪܹܐ. 4ܠܵܐ ܗَܘܹܐ ܕܐܵܬܝܼ ܥܲܡܝܼ ܡܵܩܹܕܘܿܢܵܝܹ̈ܐ؛ ܘܡܵܫَܟ̰ܚܝܼ ܠܵܘܟܼܘܿܢ ܠܵܐ ܗܘܼܕܪܹܐ؛ ܘܐܲܚܢܲܢ ܢܲܚܦܵܚ؛ ܕܠܵܐ ܐܵܡܪܲܚ ܕܐܘܼܦ ܐܲܚܬܘܿܢ؛ ܒܐܵܗܵܐ ܒܸܣܬܵܝܘܼܬܵܐ. 5ܣܵܒܵܒ ܕܐܵܗܵܐ ܚܫܸܒܼܠܝܼ ܕܘܵܓ̰ܸܒ ܕܒܲܥܝܸܢ ܗَܘܵܐ ܡܐܲܢܹܐ ܐܵܚܘܿܢܘܵܬܹ̈ܐ؛ ܕܐܵܬܝܼ ܗَܘܵܘ ܡܩܵܕَܡ ܕܝܼܝܼ ܠܟܸܣܠܵܘܟܼܘܿܢ؛ ܘܗܵܕܪܝܼ ܗَܘܵܘ ܒܘܼܪܟܬܵܘܟܼܘܿܢ؛ ܗ̇ܝ ܕܡܘܼܫܡܥܝܼܬܵܐ ܗَܘܵܐ ܡ̣ܢ ܩܵܕَܡܵܝܬܵܐ؛ ܕܗܵܘܝܵܐ ܗܵܙܸܪ ܗܲܕܟܼܵܐ ܐܲܝܟܼ ܒܘܼܪܟܬܵܐ؛ ܠܵܐ ܐܲܝܟܼ ܛܲܡܲܥܟܵܪܘܼܬܵܐ. 6ܐܝܼܢܵܐ ܐܵܗܵܐ (ܒܹܐܡܵܪܵܐ ܝܘܸܢ)؛ ܗ̇ܘ ܕܙܲܪܸܥ ܒܚܣܵܟܼܬܵܐ؛ ܐܘܼܦ ܒܚܣܵܟܼܬܵܐ ܒܸܬ ܚܵܨܸܕ. ܘܗ̇ܘ ܕܙܲܪܸܥ ܒܒܘܼܪܟܬܵܐ؛ ܐܘܼܦ ܒܒܘܼܪܟܬܵܐ ܒܸܬ ܚܵܨܸܕ. 7ܟܠ ܐَܢܵܫܵܐ (ܥܵܒܼܸܕ) ܐܲܝܟܼ ܕܩܵܕَܡܵܝܬܵܐ ܡܘܼܬܒܼܵܐ ܝܠܹܗ ܒܠܸܒܹܗ؛ ܠܵܐ ܐܲܝܟܼ ܕܡ̣ܢ ܦܵܫܲܡܬܵܐ؛ ܝܲܢ ܐܲܝܟܼ ܕܡ̣ܢ ܚܲܝܠܵܐ؛ ܣܵܒܵܒ ܐܲܠܵܗܵܐ؛ ܟܹܐ ܡܲܚܸܒ ܠܝܵܗَܒܼܵܢܵܐ ܚܸܕܝܵܐ. 8ܘܟܹܐ ܡܵܨܹܐ ܐܲܠܵܗܵܐ ܠܡܲܙܝܘܼܕܹܐ ܒܝܼܵܘܟܼܘܿܢ ܟܠ ܫܵܦܵܩܲܬ؛ ܕܒܟܠ ܙܲܒܼܢܵܐ؛ ܒܟܠ ܡܸܢܕܝܼ؛ ܟܠ ܐܝܼܬ ܠܵܘܟܼܘܿܢ ܟܠ ܡܸܠܝܘܼܬܵܐ؛ ܙܵܝܕܝܼܬܘܿܢ ܒܟܠ ܦܘܼܠܚܵܢܵܐ ܛܵܒܼܵܐ؛ 9ܐܲܝܟܼ ܕܝܼܠܹܗ ܟܬܝܼܒܼܵܐ؛ ܒܘܼܪܒܸܙܠܹܗ؛ ܝܘܼܗَܒܼܸܠܹܗ ܠܡܸܣܟܹܢܹ̈ܐ؛ ܙܲܕܝܼܩܘܼܬܹܗ ܩܵܝܲܡ ܝܼܠܵܗ̇ ܠܥܵܠܲܡ. 10ܐܝܼܢܵܐ ܗ̇ܘ ܕܟܹܐ ܝܵܗَܒܸܠ ܒܲܪܙܲܪܥܵܐ ܠܙܲܪܥܵܢܵܐ ܘܠܲܚܡܵܐ ܠܡܹܐܟܼܘܼܠܬܵܐ؛ ܒܸܬ ܡܲܙܝܸܕ ܒܲܪܙܲܪܥܵܘܟܼܘܿܢ؛ ܘܡܲܦܪܹܐ ܛܥܘܿܢܝܵܬܹ̈ܐ ܕܙܲܕܝܼܩܘܼܬܵܘܟܼܘܿܢ؛ 11ܟܲܕ ܗܵܘܝܼܬܘܿܢ ܕܵܘܠܲܬܡܲܢܕ ܒܟܠ ܡܸܢܕܝܼ؛ ܒܟܠܵܗܿ ܦܫܝܼܛܘܼܬܵܐ؛ ܗ̇ܝ ܕܟܹܐ ܬܲܡܸܡܵܐ ܒܐܝܼܕܲܢ ܫܵܟܲܪܬܵܐ ܠܐܲܠܵܗܵܐ. 12ܣܵܒܵܒ ܦܘܼܠܚܵܢܵܐ ܕܐܵܗܵܐ ܚܸܠܡܲܬ ܠܹܐ ܝܠܹܗ ܗܲܪ ܒܵܨܘܿܪܘܼܬܵܐ ܕܩܲܕܝܼܫܹ̈ܐ ܬܲܡܘܼܡܹܐ؛ ܐܸܠܵܐ ܐܘܼܦ ܒܸܙܝܵܕܵܐ ܝܠܹܗ ܒܪܵܒܵܐ ܫܵܟܲܪ̈ܝܵܬܹܐ ܠܐܲܠܵܗܵܐ. 13ܣܵܒܵܒ ܕܒܓ̰ܵܪܲܒܬܵܐ (ܕܝܼܵܘܟܼܘܿܢ) ܒܐܵܗܵܐ ܚܸܠܡܲܬ؛ ܫܵܒܘܿܚܹܐ ܝܢܵܐ ܠܐܲܠܵܗܵܐ ܥܲܠ ܙܲܒܛܘܼܬܵܐ ܕܬܵܘܕܝܼܬܵܘܟܼܘܿܢ ܠܐܹܘܵܢܓܵܠܝܼܘܿܢ ܕܡܫܝܼܚܵܐ؛ ܘܥܲܠ ܦܫܝܼܛܘܼܬܵܐ ܕܫܵܪܝܼܟܘܼܬܵܐ (ܕܝܼܵܘܟܼܘܿܢ) ܥܲܡ ܕܐܵܢܝܼ ܘܥܲܡ ܟܠ ܐَܢܵܫܵܐ؛ 14ܘܒܨܠܘܿܬܵܝܗܝ ܡܒܵܕܵܠܵܘܟܼܘܿܢ؛ ܟܲܕ ܪܵܒܵܐ ܟܹܐ ܡܲܚܸܒܝܼ ܠܵܘܟܼܘܿܢ ܣܵܒܵܒ ܕܒܘܼܫܵܝܝܼ ܕܫܵܦܵܩܲܬܹܗ ܕܐܲܠܵܗܵܐ ܥܲܠܵܘܟܼܘܿܢ. 15ܡܸܢܬܵܐ ܡ̣ܢ ܐܲܠܵܗܵܐ ܣܵܒܵܒ ܕܚܲܠܥܲܬܹܗ ܕܠܹܐ ܐܵܬܝܵܐ ܠܗܲܡܙܘܼܡܹܐ.